Një 48-vjeçar është arrestuar nga Policia e Pogradecit, pasi dyshohet se ka marrë një automjet që ishte lënë i ndaluar në rrugë, me çelësat brenda.
Ngjarja është regjistruar mbrëmjen e sotme në lagjen nr. 1 të Pogradecit. Sipas policisë, Aurel Hamolli ka konstatuar automjetin të ndaluar dhe, duke përfituar nga fakti që çelësat ndodheshin brenda, është futur në të dhe është larguar.
Pas marrjes së njoftimit, shërbimet e policisë janë vënë në ndjekje të automjetit. Pak më vonë, kanë bërë të mundur ndalimin e tij dhe arrestimin në flagrancë të 48-vjeçarit.
Hamolli tashmë do të përballet me procedurat ligjore, ndërsa vijojnë veprimet hetimore për dokumentimin e plotë të rrethanave të ngjarjes.
