Massimiliano Allegri ka analizuar humbjen 3-2 ndaj Interit, ku Napoli shpërdoroi avantazhin 2-0 dhe pësoi tre gola në pjesën e dytë.
“Ishte një ndeshje argëtuese për ata që e panë dhe për tifozët e Interit, por për ne shumë më pak. Interi është i fortë, rriti ritmin pasi shënoi golin e parë dhe na krijoi shumë probleme”, deklaroi Allegri.
Trajneri italian u ndal veçanërisht te faza mbrojtëse, duke kërkuar më shumë përqendrim nga skuadra e tij. “Kemi pësuar pesë gola në dy ndeshje. Nuk po them që duhet të mbrohemi brenda zonës, por nëse pëson tre gola brenda gjysmë ore, do të thotë se duhet të bëjmë më mirë.”
Pavarësisht rezultatit, Allegri tha se kishte edhe elementë pozitivë në paraqitjen e Napolit, por theksoi se skuadra po paguan shumë shtrenjtë gabimet individuale. Tashmë fokusi kalon te Champions League.
