Të tjera pamje janë publikuar nga përplasja mes Joz Markut dhe Eduard Kuçit, një incident që prej ditësh ka tërhequr vëmendje të madhe në rrjetet sociale.
Në videon e publikuar së fundmi, Jozi shihet përballë Edit. Në një moment, ai e godet me shuplakë, ndërsa më pas dëgjohet duke i thënë: “Ulu në gjunjë”. Në vijim të pamjeve, Edi shihet duke u ulur në gjunjë.
Pamjet e reja vijnë një ditë pasi Eduard Kuçi reagoi publikisht pas publikimit të një tjetër videoje nga incidenti. Ai e shoqëroi videon me mesazhin: “Pabesia dhe tradhtia kanë rrëzuar edhe mbretër! 15 me 1 në konakun e tyre! Shikim të këndshëm”, duke pretenduar se gjatë ngjarjes ishte i vetëm përballë një grupi personash.
Publikimi i sekuencave të reja ka rikthyer vëmendjen te përplasja mes dy personazheve, ndërsa deri tani rrethanat e plota dhe shkaku që çoi në konflikt mbeten të paqarta. Palët kanë dhënë reagime të ndryshme lidhur me atë që ka ndodhur.
