Kylian Mbappé ishte një nga personat që dyshohet se ishin vendosur në shënjestër nga një organizatë kriminale në Francë, e cila planifikonte grabitje dhe rrëmbime ndaj personazheve të njohur.
Sipas Le Parisien, hetuesit sekuestruan telefonin e një prej të dyshuarve dhe gjetën një listë me 26 adresa të këngëtarëve, futbollistëve dhe personazheve të tjerë të njohur. Mes emrave ishte edhe sulmuesi i Real Madridit.
Autoritetet dyshojnë se banda synonte ta grabiste Mbappén gjatë një prej qëndrimeve të tij në Paris, duke e konsideruar atë një objektiv me përfitim të madh financiar.
Një 18-vjeçar i identifikuar si Clément L. është akuzuar për përfshirje në veprimtarinë e grupit dhe ndodhet në paraburgim, ndërsa hetimet për të përcaktuar rolin e tij dhe të personave të tjerë vazhdojnë.
