Barcelona vazhdon ta mbajë Julián Álvarez si një nga objektivat kryesore për të ardhmen, pavarësisht se transferimi i tij dështoi këtë verë për shkak të qëndrimit të Atlético Madrid.
Sipas Santi Ovalle, klubi katalanas e sheh argjentinasin si pjesë të një projekti afatgjatë dhe ka ruajtur një pjesë të konsiderueshme të buxhetit që ishte parashikuar për një sulmues të nivelit të lartë.
Barcelona përfundimisht transferoi Gabriel Jesus për rreth 10 milionë euro, por kjo lëvizje nuk e ndryshon planin për Julián. Klubi synon të rikthehet me një tjetër tentativë në merkatot e ardhshme.
Raportohet se Barça ishte gati të shkonte deri në rreth 130 milionë euro, por Atlético refuzoi të negocionte. Ndërkohë, edhe vetë Julián thuhet se i bëri të qartë Mikel Artetës se do të largohej nga Atlético vetëm për Barcelonën, duke mbyllur kështu pistën Arsenal.
