Julián Álvarez duket se ka vetëm një mundësi reale për t’u larguar nga Atlético Madrid këtë verë: transferimin te Arsenal.
Sipas BBC Sport, Atlético i ka bërë të qartë sulmuesit argjentinas dhe përfaqësuesve të tij se nuk do të negociojë në asnjë rrethanë me Barcelonën. Pas këtij vendimi, 26-vjeçari ka munguar në dy seancat e fundit stërvitore për shkak se nuk është ndier mirë.
Situata është ndryshe me Arsenalin. Drejtuesit e Atlético-s kanë zhvilluar bisedime direkte me kampionët e Premier League dhe kërkojnë rreth 150 milionë euro për sulmuesin.
Mikel Arteta dëshiron me çdo kusht afrimin e Álvarez, por deri tani dëshira e lojtarit për t’u transferuar vetëm te Barcelona e ka bllokuar operacionin. Nëse argjentinasi i jep dritën jeshile Arsenalit, marrëveshja mes dy klubeve mund të avancojë shumë shpejt.
Atlético ndërkohë ka përsëritur publikisht qëndrimin e tij: “Ka 0% mundësi që ta shesim te Barcelona”.
