Joan Laporta ka folur hapur për interesin e Barcelonës ndaj Julián Álvarez, duke konfirmuar se klubi katalanas është gati të mbyllë transferimin nëse Atlético Madrid pranon ofertën.
“Jemi shumë të interesuar për lojtarin dhe do të donim që oferta jonë të pranohej. E bëjmë këtë me respekt maksimal për Atlético Madrid. Nëse vendosin ta shesin këtë verë, ne jemi gati ta blejmë”, deklaroi presidenti i Barcelonës.
Fjalët e Laportës vijnë në një moment shumë delikat për sulmuesin argjentinas, i cili u fishkëllye nga tifozët e Atlético-s në ndeshjen ndaj Villarreal dhe më pas mungoi në stërvitje për shkak se nuk ndihej mirë.
Atlético vazhdon të këmbëngulë se nuk dëshiron ta shesë, ndërsa Julián e ka bërë të qartë dëshirën për t’u larguar. Barcelona mbetet destinacioni i tij i preferuar.
