Roma ka dhuruar spektakël në “Olimpico”, duke mposhtur Fiorentinën 4-0 në një ndeshje të dominuar nga skuadra e Gian Piero Gasperinit.
Protagonistët absolutë ishin Paulo Dybala dhe Donyell Malen. Argjentinasi dhuroi tre asistime, ndërsa sulmuesi holandez realizoi një tripletë, duke vendosur firmën në një mbrëmje perfekte për verdhekuqtë.
Roma kontrolloi ndeshjen që nga minutat e para dhe nuk i dha pothuajse asnjë mundësi Fiorentinës të reagonte. Në fund, Pisilli realizoi edhe golin e katërt për të kompletuar “pokerin”.
Një nisje bindëse për Romën, ndërsa Fiorentina tregoi se ka ende shumë punë për të bërë, sidomos në fazën mbrojtëse.
