Frenkie de Jong po kalon një moment të vështirë te Barcelona, pas dëmtimit në gju që pritet ta mbajë jashtë fushave për rreth katër muaj.
Sipas gazetarit Santi Ovalle, mënyra se si u menaxhua dëmtimi nuk i ka pëlqyer Hansi Flick, i cili e sheh situatën si një lloj “paralajmërimi” për mesfushorin holandez.
De Jong ka humbur gjithashtu përkohësisht rolin e kapitenit, ndërsa Flick ka zgjedhur Raphinha, Eric García dhe Pedri si kapitenët e përkohshëm të skuadrës.
Situata bëhet edhe më e komplikuar me afrimin e Rodrit, i cili luan në të njëjtin pozicion dhe mund t’i reduktojë minutat De Jong sapo ky i fundit të rikthehet.
Megjithatë, brenda klubit theksohet se Flick vazhdon ta vlerësojë shumë holandezin dhe e konsideron një pjesë të rëndësishme të skuadrës.
