Real Madrid ka shfaqur interes konkret për Sergio Martínez, mesfushorin 19-vjeçar të Racing Santander që po tërheq vëmendjen e disa klubeve të mëdha në Spanjë.
Talenti i ri debutoi në La Liga me një gol spektakolar ndaj Villarreal, duke përshpejtuar menjëherë interesin për të. Real Madrid kishte kohë që ndiqte zhvillimin e tij, por tashmë po kërkon të arrijë një marrëveshje me Racing.
Klauzola e largimit të Martínez është vetëm 3 milionë euro, megjithatë madrilenët preferojnë të negociojnë direkt me klubin dhe jo ta aktivizojnë atë menjëherë.
Një nga opsionet është që lojtari të qëndrojë edhe një sezon te Racing, ndërsa është diskutuar edhe mundësia që të bashkohet me Castilla.
