Milani ka siguruar një përfitim të rëndësishëm financiar pas transferimit të Tijjani Reijnders nga Manchester City te Al-Qadsiah.
Mesfushori holandez është larguar nga City për rreth 61 milionë euro, por marrëveshja aktivizon një klauzolë të veçantë të vendosur nga Milani kur e shiti lojtarin në Angli një vit më parë.
Sipas kësaj klauzole, nëse Manchester City e shiste Reijnders brenda vitit të parë, duhej t’i paguante Milanit të gjithë bonusin prej 14 milionë eurosh, pavarësisht objektivave të arritura nga lojtari.
Kështu, të ardhurat totale të Milanit nga shitja e Reijnders arrijnë në afro 70 milionë euro. Duke qenë se kuqezinjtë e kishin blerë atë nga AZ Alkmaar për rreth 13 milionë euro, fitimi total i klubit shkon në afro 56 milionë euro.
