Liverpool ka zyrtarizuar shitjen e një pakete minoritare të aksioneve te 1892 Holdings, një konsorcium ku përfshihen edhe investime të lidhura me Jeff Bezos dhe Eduardo Saverin.
Marrëveshja është arritur me Fenway Sports Group, pronarin aktual të Liverpoolit, ndërsa kontrolli i klubit do të mbetet në duart e FSG-së.
Konsorciumi drejtohet nga Amit Bhatia dhe përfshin familjen Mittal, K5 Sports, ku Jeff Bezos është investitori kryesor, si dhe EE Capital, zyra familjare e Elaine dhe Eduardo Saverin.
Sipas Liverpoolit, investimi i ri synon të mbështesë rritjen afatgjatë të klubit, duke sjellë eksperiencë nga bota e biznesit, teknologjisë dhe investimeve.
