Në Tiranë u zhvillua protesta e 71-të kundër klasës politike, e cila nisi me një marshim nga sheshi “Skënderbej” në drejtim të Kryeministrisë.
Protestuesit u mblodhën për të shprehur pakënaqësinë ndaj qeverisë dhe klasës politike, duke kërkuar ndryshime në drejtimin e vendit. Në fokus të protestës ishin shqetësime si korrupsioni, papunësia, si dhe mungesa e perspektivës për të rinjtë.
Pas mbërritjes para Kryeministrisë, organizatorët vendosën një podium, nga ku nisën fjalimet. Folësit kërkuan më shumë transparencë, llogaridhënie dhe pë⁸rfshirje të qytetarëve në vendimmarrje.
Një prej organizatorëve deklaroi se qytetarët kanë të drejtë t’u kërkojnë llogari politikanëve dhe të kërkojnë një të ardhme më të mirë për vendin. Ai u bëri thirrje qytetarëve të tjerë t’i bashkohen protestës, duke argumentuar se mobilizimi qytetar është i nevojshëm për të sjellë ndryshime.
