Ish-banorja e “Big Brother VIP Kosova” Xheneta Fetahu mesa duket i ka dhënë fund çdo marrëdhënie me ish-partnerin e saj Gjestin.
Gjesti dhe Xheneta u njohën së bashku në shtëpinë e madhe të Kosovës teksa ishin të dy pjesë e spektaklit. Një marrëdhënie dashurie lindi mes të dyve, por nuk vazhdoi kështu përgjatë kohës teksa pas shumë debatesh dhe zënkash, Gjesti i dha fund pasi doli nga BBVK.
Tashmë pjesë e “Big Brother VIP Albania”, Gjesti ka nisur të shoqërohet me Eglin, e cila i ka shprehur simpatinë e saj që në ditët e para.
Në profilin e Xhenetës është vërejtur se ish-banorja nuk e ndjek më Gjestin në rrjete sociale. Kjo lëvizje është lexuar nga ndjekësit si një konfirmim që dhe për të çdo gjë ka mbaruar.
Ndërkohë është përfolur gjatë nëpër media që Xheneta do të jetë pjesë e një prej netëve të spektaklit live të BBVA, por ende nuk dihen sesa të vërteta janë këto aludime.
