Drejtori sportiv i RB Leipzigut, Marcel Schäfer, ka mohuar zërat se klubi gjerman ka arritur marrëveshje me Real Madridin për transferimin e Yan Diomandés.
“Disa të ashtuquajtur ekspertë të merkatos raportuan se gjithçka ishte mbyllur. Por nuk është aspak kështu. Ende nuk kemi arritur në atë fazë”, deklaroi Schäfer për “Sky Sport Germany”.
Bisedimet janë ndërlikuar edhe nga konflikti mes agjencive që pretendojnë se përfaqësojnë futbollistin. Çështja ka mbërritur në FIFA, por drejtuesi i Leipzigut beson se kjo nuk do ta pengonte transferimin, nëse klubet arrijnë marrëveshjen.
Diomandé është rikthyer në stërvitje pas problemeve shëndetësore dhe vijon përgatitjet me Leipzigun, ndërsa e ardhmja e tij mbetet ende e paqartë.
