Presidentja meksikane Claudia Sheinbaum tha se qeveria e saj do të njoftojë detaje mbi tarifat e saj hakmarrëse ndaj mallrave amerikane të hënën.“Në konferencën për shtyp të mëngjesit të nesërm, do t’ju informoj për masat e para të asaj që ne e quajmë Plan B,” tha ajo në një deklaratë video të dielën.
Sheinbaum tha më parë se plani do të përfshinte masa tarifore në përgjigje të vendosjes së një sërë tarifash nga SHBA, duke përfshirë një tarifë 25% për të gjitha importet nga Meksika. Tarifat e larta të SHBA-së pritet të hyjnë në fuqi të martën.
“Meksika nuk dëshiron konfrontim … Problemet nuk trajtohen me vendosjen e tarifave, por me bisedime dhe dialog”, tha ajo në deklaratën e saj video të dielën.
Sheinbaum hodhi poshtë akuzat e administratës Trump se qeveria e Meksikës ka lidhje me kartelet e drogës dhe tha se SHBA ka bërë pak për të luftuar trafikun e drogës.
Ajo gjithashtu iu drejtua emigrantëve meksikanë në SHBA, duke thënë se vendi i saj do t’i mirëpresë ata nëse vendosin të kthehen.
