Nico Williams mund të transferohet në Premier League që gjatë kësaj vere, me Arsenalin dhe Liverpoolin që po luftojnë për shërbimet e tij.
Sipas gazetarit Ekrem Konur, Liverpooli vazhdon të jetë i interesuar për anësorin spanjoll, por aktualisht Arsenali konsiderohet favorit për ta bindur të largohet nga Athletic Bilbao.
Londinezët kanë rinisur kontaktet me përfaqësuesit e lojtarit, ndërsa drejtori sportiv Andrea Berta e sheh 23-vjeçarin si një nga objektivat kryesorë për përforcimin e repartit ofensiv.
Nico Williams ka një klauzolë lirimi prej 77 milionë paundësh dhe disa klube të Premier League janë të gatshme financiarisht për të realizuar transferimin. Kontrata e tij me Athletic Bilbaon është e vlefshme deri në vitin 2035.
