Lionel Scaloni ka folur për herë të parë pas largimit nga kompleksi stërvitor i Federatës Argjentinase, më pak se 48 orë pas humbjes 1-0 ndaj Spanjës në finalen e Kupës së Botës 2026.
I pyetur për të ardhmen e tij, trajneri i “Albiceleste”-s pranoi se pas një turneu të tillë është normale të rishikohen disa vendime, por kujtoi se kontrata e tij është e vlefshme deri në dhjetor.
“Janë gjëra që mund t’i rimendosh pas një turneu si ky. Jemi këtu deri në dhjetor. Më e rëndësishmja është që njerëzit e kuptuan se skuadra dha gjithçka dhe tregoi unitet të madh”, deklaroi Scaloni për “Mundo Deportivo”.
Trajneri falënderoi gjithashtu tifozët për pritjen dhe mbështetjen e treguar, pavarësisht humbjes në finale.
“Është e vështirë të pranojmë që nuk fituam, por është mirë të dimë se dimë të humbasim me dinjitet dhe të nxjerrim mësime pozitive”, shtoi ai.
Scaloni u shfaq i irrituar kur u pyet për zërat që flisnin për përplasje mes lojtarëve pas finales.
“Nuk e di për çfarë po flisni, sepse nuk përdor rrjetet sociale. Nuk e besoj atë që po më pyesni”, përfundoi trajneri argjentinas.
