Shqipëria do të vijojë të jetë nën ndikimin e masave ajrore të qëndrueshme dhe të nxehta edhe gjatë ditës së sotme, 16 korrik. Sipas parashikimit të Shërbimit Meteorologjik Ushtarak, moti do të jetë kryesisht i kthjellët në pjesën më të madhe të territorit.
Vranësira të pakta deri mesatare pritet të shfaqen përgjatë zonave malore në veri dhe verilindje, ku nuk përjashtohen reshje të izoluara shiu në formën e pikave.
Temperaturat do të mbeten të larta në të gjithë vendin. Maksimumet do të arrijnë deri në 39°C në Berat, Gjirokastër, Lezhë, Shkodër dhe Tiranë. Në Elbasan dhe Sarandë priten 38°C, ndërsa në Fier dhe Vlorë 37°C. Temperaturat më të ulëta maksimale do të regjistrohen në Korçë dhe Bulqizë, me 34°C.
Era do të fryjë nga drejtimi veriperëndim–perëndim me një shpejtësi mesatare rreth 7 m/s, ndërsa përgjatë bregdetit jugor herë pas here do të forcohet deri në 14 m/s.
Në det pritet valëzim i ulët, me forcë 1-2 ballë.
