Chloe Roberts, vetëm 21 vjeçe, ka ndërruar jetë pak ditë pasi u shpall “Miss Royal Somerset 2025”. Sipas Daily Mail, Chloe ishte një modele dhe një aktiviste e angazhuar, e njohur për përpjekjet e saj në ngritjen e vetëdijes për shëndetin mendor.
Ajo shfrytëzoi çdo mundësi për të diskutuar këtë temë, duke lançuar edhe një podcast, “Talk It Out”, për të sfiduar stereotipet e industrisë së bukurisë.
Chloe i dedikoi fitoren në Miss Somerset jo vetëm për të mbështetur komunitetin e saj, por edhe për të pasur një ndikim pozitiv dhe për të inkurajuar të tjerët të flasin hapur për çështjet e shëndetit mendor.
Shkaqet e vdekjes së saj ende mbeten të paqarta, megjithatë, media britanike ka konfirmuar lajmin nëpërmjet disa personave të afërt me të.
