Real Madrid ka zyrtarizuar afrimin e Denzel Dumfries nga Interi, duke siguruar një përforcim të rëndësishëm për krahun e djathtë të mbrojtjes.
Mbrojtësi holandez ka firmosur një kontratë afatgjatë me “Los Blancos”, e vlefshme deri më 30 qershor 2030.
Sipas Diario AS, Real Madrid ka aktivizuar klauzolën e largimit të lojtarit, duke paguar 20 milionë euro te Interi, shifër e parashikuar në kontratën e Dumfries me klubin italian.
Dumfries largohet nga Interi pas disa sezonesh të rëndësishme, ku u kthye në një nga lojtarët kryesorë të skuadrës zikaltër. Ai ishte pjesë e klubit milanez që nga viti 2021.
Para transferimit në Itali, mbrojtësi holandez ka luajtur edhe për Heerenveen, Sparta dhe PSV, ndërsa tani nis një kapitull të ri në karrierë me fanellën e Real Madridit.
Me këtë lëvizje, Real Madrid shton eksperiencë, forcë fizike dhe cilësi në krahun e djathtë, duke kompletuar një tjetër operacion të rëndësishëm në merkato.
