Emërimi i Enzo Marescas si trajner i ri i Manchester City ka sjellë reagimin e menjëhershëm të Chelseat, që ka sqaruar situatën pas largimit të teknikut italian nga klubi londinez.
Pas zyrtarizimit të Marescas në krye të Cityt, Chelsea publikoi një deklaratë ku shpjegoi arsyet e ndërprerjes së bashkëpunimit me trajnerin 46-vjeçar.
Sipas klubit londinez, pavarësisht marrëveshjeve të mëparshme, Maresca ndaloi së përmbushuri detyrat e tij te Chelsea pasi mësoi për mundësinë për të marrë drejtimin e Manchester Cityt.
Chelsea bëri gjithashtu të ditur se Manchester City ka paguar kompensim për largimin e Marescas. Sipas Fabrizio Romanos, shifra e kompensimit arrin në 17 milionë paund.
Maresca drejtoi Chelsean nga korriku i vitit 2024 deri në janar të vitit 2026. Gjatë kësaj periudhe, “Blutë” zhvilluan 92 ndeshje nën drejtimin e tij, duke regjistruar 55 fitore, 16 barazime dhe 21 humbje.
Me Chelsean, trajneri italian arriti të fitojë Conference League dhe FIFA Club World Cup, por vendimi për t’u larguar drejt Manchester Cityt ka krijuar një situatë të tensionuar mes dy klubeve.
Tani, Maresca nis një kapitull të ri në karrierë, duke marrë drejtimin e kampionëve anglezë pas largimit të Pep Guardiolës.
