Manchester City është kthyer në favorit për transferimin e mesfushorit të Lille, Ayyoub Bouaddi, përpara sezonit të ri.
Talenti 18-vjeçar pritet të largohet nga klubi francez gjatë kësaj vere, pasi ka tërhequr interesin e disa prej skuadrave më të mëdha në Europë. Megjithatë, sipas raportimeve të fundit, City ka kaluar në avantazh në garën për firmën e tij.
Bouaddi ka rritur ndjeshëm vlerën dhe reputacionin e tij falë paraqitjeve shumë të mira me Marokun në Kupën e Botës 2026. Mesfushori i ri ka qenë një nga lojtarët më të dalluar të “Luanëve të Atlasit” në fazën e grupeve, duke bindur edhe më shumë klubet e mëdha për potencialin e tij.
Manchester City po kërkon të përforcojë mesfushën me elementë të rinj dhe Bouaddi shihet si një profil me shumë perspektivë për të ardhmen.
