Një vatër zjarri është shfaqur mbrëmjen e kësaj të diele në një nga ambientet e Drejtorisë së Policisë së Elbasanit.
Burime për mediat bëjnë me dije se ngjarja është regjistruar rreth orës 18:49 ku flakët kanë përfshirë një nga ambientet pranë godinës së sallës operative.
Ka qenë e menjëhershme ndërhyrja e zjarrfikësve të cilët bënë të mundur me shpejtësi neutralizimin e flakëve pa shkaktuar dëme të mëdha. Fatmirësisht nuk ka pasur persona të lënduar.
Paraprakisht dyshohet se shkak i zjarrit të jetë bërë një ngrohëse me energji elektrike.
