Manuel Neuer ka arritur një rekord historik në Kupën e Botës. Portieri i Gjermanisë zbriti në fushë në ndeshjen e grupit ndaj Bregut të Fildishtë, duke regjistruar paraqitjen e tij të 21-të në këtë kompeticion.
Me këtë shifër, 40-vjeçari bëhet portieri me më shumë ndeshje të luajtura në historinë e Botërorit, duke kaluar ish-kapitenin e Francës, Hugo Lloris, i cili kishte 20 paraqitje.
Neuer, një nga figurat më të mëdha të futbollit gjerman në dy dekadat e fundit, shton kështu një tjetër arritje të madhe në karrierën e tij.
Ndeshja ndaj Bregut të Fildishtë kishte rëndësi të dyfishtë për Gjermaninë, pasi përveç rekordit të Neuerit, skuadra e Julian Nagelsmann kërkonte edhe kualifikimin në fazën me eliminim direkt të Botërorit 2026.
