Një situatë shqetësuese është konstatuar në Rrugën e Elbasanit, një nga akset më të frekuentuara të kryeqytetit, ku një pusetë e hapur në korsinë anësore të rrugës paraqet rrezik serioz për qarkullimin e automjeteve dhe sigurinë e qytetarëve.
Siç shihet edhe nga pamjet, puseta ndodhet pranë korsisë së biçikletave dhe është e pa sinjalizuar, ndërsa mbetet e hapur dhe e ekspozuar. Drejtuesit e mjeteve, veçanërisht motorët dhe biçikletat, rrezikojnë të përfshihen në aksidente nëse nuk e vërejnë në kohë pengesën.
Banorët dhe kalimtarët kërkojnë ndërhyrje të menjëhershme nga institucionet përgjegjëse për mbylljen dhe sistemimin e pusetës, për të shmangur incidente të mundshme, sidomos gjatë orëve të mbrëmjes ose në kushte të kufizuara shikueshmërie.
Mbetet për t’u parë nëse autoritetet bashkiake do të reagojnë për eliminimin e këtij rreziku në një nga rrugët kryesore të Tiranës.
