Inter ka zyrtarizuar rinovimin e kontratës me Cristian Chivun. Klubi zikaltër ka njoftuar se trajneri rumun do të vazhdojë të drejtojë skuadrën deri në vitin 2028, duke zgjatur me një vit marrëveshjen ekzistuese.
Marrëveshja ishte paralajmëruar prej kohësh, por tashmë ka ardhur edhe komunikata zyrtare. Pas suksesit me dopietën Serie A-Kupa e Italisë, Chivu është shpërblyer edhe me një rritje të ndjeshme page.
Sipas raportimeve, paga e trajnerit do të rritet në 3 milionë euro në sezon, nga 2 milionë euro që përfitonte në sezonin e tij të parë te Interi. Kjo do të thotë një rritje prej 50% për ish-mbrojtësin zikaltër.
Me këtë rinovim, Inter konfirmon besimin te Chivu dhe vazhdon projektin e tij me një linjë stabiliteti dhe vazhdimësie në pankinë.
“FC Internazionale Milano ka kënaqësinë të njoftojë rinovimin e kontratës së trajnerit Cristian Chivu. Falë marrëveshjes së re, trajneri do të drejtojë zikaltërit deri në vitin 2028”, thuhet në komunikatën zyrtare të klubit.
