Çekia dhe Afrika e Jugut barazuan 1-1 në Grupin A të Botërorit 2026, një rezultat që i lë të dyja skuadrat të detyruara të fitojnë në ndeshjen e tretë për të mbajtur gjallë shpresat e kualifikimit.
Çekët e nisën më mirë takimin dhe kaluan në avantazh që në minutat e para. Michal Sadilek përfitoi nga një vendosje e dobët e mbrojtjes afrikano-jugore dhe, pas pasimit të Alexandr Sojkas në qendër të zonës, goditi saktë duke mposhtur Ronwen Williams.
Pas golit, Çekia u tërhoq dhe u përpoq të administronte avantazhin, ndërsa Afrika e Jugut mori gradualisht kontrollin e lojës, sidomos në pjesën e dytë.
Skuadra afrikane kishte raste për të barazuar edhe para pushimit, por nuk arriti t’i shfrytëzonte. Goli i barazimit erdhi vetëm gjashtë minuta para fundit, kur një prekje me dorë nga Sulc i dha penallti Afrikës së Jugut.
Teboho Mokoena mori përsipër ekzekutimin dhe nuk gaboi nga pika e bardhë, duke vendosur rezultatin final 1-1.
Me këtë barazim, Afrika e Jugut mbetet në fund të grupit me një pikë pas humbjes në ndeshjen e parë ndaj Meksikës, ndërsa Çekia është e treta, po me një pikë, pas disfatës ndaj Koresë së Jugut.
Tani, të dyja kombëtaret nuk kanë më hapësirë për gabime: në ndeshjen e fundit të grupit duhet vetëm fitorja për të shpresuar te vazhdimi i aventurës në Botëror.
