Real Madrid mund të tronditë merkaton evropiane me një nga transferimet më të shtrenjta në historinë e futbollit.
Sipas Marca, drejtuesit e klubit madrilen po shqyrtojnë seriozisht mundësinë për të dërguar një ofertë zyrtare te Bayern Munich për Michael Olise, me një shumë që mund të arrijë deri në 220 milionë euro.
Florentino Pérez e sheh yllin francez si përforcimin ideal për krahun e djathtë të sulmit. Bayern deri tani ka refuzuar çdo ide për largimin e lojtarit, por një ofertë kaq e madhe mund ta detyrojë klubin gjerman të ulet në bisedime.
Olise ka zhvilluar një sezon fantastik me Bayern Munich. Ai ka luajtur 52 ndeshje, duke shënuar 22 gola dhe duke dhënë 31 asistime.
Aktualisht, Transfermarkt e vlerëson francezin rreth 150 milionë euro, por Real Madrid duket gati të shkojë shumë më lart për ta sjellë në “Bernabéu”.
