Liverpool ka mundur 4-1 Ipswich-in në javën e 23-të të Premier League dhe ka blinduar kreun e kampionatit.
Ndeshja e zhvilluar në Anfield është zhbllokuar në minutën e 11-të me një gol të Szoboszlai, me Salah (35′) dhe Gakpo (44′) që kanë shënuar të dytin dhe të tretin për ekipin e Slot.
LIVERPOOL-IPSWICH 5-0 – GOLAT – VIDEO
Goli i katërt për vendasit ka ardhur në minutën e 66-të dhe është shënuar nga Gakpo. Greaves (90′) ka realizuar golin e ngushëllimit për miqtë.
Fiton edhe Arsenal-i që ka mundur 1-0 në transfertë ekipin e Wolves. Tri pikë të vuajtura për ekipin e Arteta-s, që ka mbetur me 10 lojtarë në minutën e 43-të pas kartonit të kuq të marrë nga Lewis-Skelly.
Barazia numerikë në fushë është vendosur në minutën e 70-të pasi Wolves ka mbetur gjithashtu me 10 lojtarë pas kartonit të dytë të verdhë të marrë nga Joao Gomes.
SOUTHAMPTON-NEWCASTLE 1-3 – GOLAT – VIDEO
Buzëqesh edhe Newcastle që ka mundur 3-1 në transfertë Southampton. Protagonisti i ndeshjes ka qenë Isak, autor i dy golave.
Humbje turpëruese për Nottingham, i mundur 5-0 në fushën e Bournemouth. Brighton është mundur 1-0 në shtëpi nga Everton.
