Juventus është futur fuqishëm në garë për Leon Goretzka, i cili do të largohet nga Bayern Munich në fund të qershorit.
Sipas La Gazzetta dello Sport, klubi bardhezi ka nisur kontaktet me përfaqësuesit e mesfushorit gjerman dhe pritet të paraqesë së shpejti një ofertë konkrete.
Goretzka shihet si një mundësi e rëndësishme për mesfushën e Juventus, sidomos për shkak të eksperiencës së tij dhe faktit që mund të transferohet si lojtar i lirë.
Për 30-vjeçarin ka interes edhe nga klube të tjera të Serie A, mes tyre Milan dhe Napoli, por për momentin Juventus konsiderohet në avantazh.
Mesfushori gjerman ka qenë pjesë e Bayern që nga viti 2018, kur u transferua nga Schalke, dhe gjatë kësaj periudhe fitoi disa trofe të rëndësishëm, përfshirë shtatë tituj të Bundesligës.
