Efektivi i Policisë së Shtetit, Enea Mekolli, i cili humbi jetën në krye të detyrës gjatë një operacioni në Maliq, do të prehet në fshatin e tij të lindjes, sipas kërkesës së familjes.
Edhe pse statusi i “Dëshmorit të Atdheut” parashikon varrimin në Varrezat e Dëshmorëve, familjarët kanë vendosur që ceremonia të zhvillohet pranë vendlindjes, duke shprehur dëshirën që ai të prehet pranë vëllait të tij, gjithashtu ish-efektiv policie.
Homazhet në nderim të tij do të zhvillohen në Pogradec, ndërsa ceremonia e varrimit do të mbahet në fshatin Blacë, në orën 14:00.
Vendimi i familjes është motivuar nga një tragjedi e mëhershme që i ka prekur ata, duke e bërë këtë ndarje edhe më të dhimbshme për komunitetin dhe kolegët e tij
