Tottenham ka bërë një lëvizje të rëndësishme në merkato, duke arritur marrëveshje verbale për transferimin e Andy Robertson nga Liverpool.
Sipas Fabrizio Romano, klubi londinez ka siguruar “po”-në e mbrojtësit të majtë skocez, ndërsa kontrata zyrtare pritet të firmoset shumë shpejt. Spurs lëvizën me shpejtësi për të mbyllur marrëveshjen, pavarësisht tentativës së Juventus për ta prishur operacionin në momentet e fundit.
Klubi italian kishte paraqitur një ofertë zyrtare, por Robertson ka zgjedhur Londrën dhe pritet të nisë një aventurë të re në Premier League.
Kapiteni i Skocisë ka qenë objektiv kryesor i Tottenham që prej janarit. Me Roberto De Zerbi tashmë në krye të skuadrës, interesi është rikthyer fuqishëm, pasi trajneri italian e konsideron Robertson një profil të përshtatshëm për idetë e tij taktike.
Mbrojtësi 31-vjeçar zhvilloi 36 ndeshje në të gjitha kompeticionet këtë sezon me Liverpool, duke shënuar 3 gola dhe duke dhënë 2 asistime.
