Komisioni Zgjedhor i Zgjedhjeve ka miratuar projektvendimin për caktimin e numrit të kandidatëve për deputetë në zgjedhjet paralmentare të 11 majit. Komisioni ka bërë ndarjen e mandateve për secilin qark.
Qarku Berat, 7 mandate, 2 të renditur
Qarku Dibër, 5 mandate, 2 të renditur
Qarku Durrës, 14 mandate, 5 të renditur
Qarku Elbasan, 14 mandate, 5 të renditur
Qarku Gjirokastër, 4 mandate, 1 i renditur
Qarku Fier, 16 mandate, 5 të renditur
Qarku Korçë, 10 mandate, 3 të renditur
Qarku Kukës, 3 mandate, 1 i renditur
Qarku Lezhë, 7 mandate, 2 të renditur
Qarku Shkodër 11, 4 të renditur
Qarku Tiranë, 37 mandate , 12 të renditur
Qarku Vlorë 12, 4 të renditur
Sipas formulës së re në zgjedhjet e 11 majit, 46 deputetët e parë të çdo partie do të jenë në listën e mbyllur. Ndërsa partitë që do të fitojnë mandate përtej listës së mbyllur do të kenë mundësi të fusin në Kuvend deputetë nga lista e hapur.
Për 11 majin, secila partia/koalicion do të garojë me 46 deputetë në listë të mbyllur dhe 140 të tjerë në listë të hapur. Nëse partia/koalicioni fitojnë mandate në atë qark, më shumë se sa ka emra lista e mbyllur, atëherë do të fitojnë mandat sipas radhës, më të votuarit nga lista e hapur.
Renditja në listë të hapur bëhet pa asnjë prag, kush ka marrë një votë më shumë, por 1 në 3 emra, do të jetë femër, edhe nëse zonjat nuk janë votuar sa duhet në zgjedhje.
