Dëshmi tronditëse janë marrë nga vendi i ngjarjes në Elbasan-Librazhd, ku humbi jetën një 7-vjeçar, duke shkuar në shkollë pas përplasjes nga makina.
Banorët aty pranë vendngjarjes në fshatin Mengël thonë se automjeti që shkaktoi aksidentin ishte me shpejtësi maksimale.
Sakaq, një grua thotë se ambulanca nuk erdhi dhe ishin burrat në një lokal aty pranë që e morën fëmijën dhe e dërguan në spital, teksa ambulanca erdhi 15 minuta me vonesë.
Dëshmia e një gruaje që punon pranë vendit të ngjarjes në Mengël: Dolën burrat nga lokali e morën fëmijën nga makina poshtë.
Thirrëm ambulancën, nuk erdhi ambulanca e morën me makinë të rastit e çuan në spital. Ka ardhur ambulanca pas çerek ore, pasi e morën fëmijën nga vendi i ngjarjes. Ishte me shpejtësi maksimale, shumë shpejt.
Autori i aksidentit, drejtuesi i mjetit Petri Bozo 61 vjeç u shoqërua në Komisariat.
