Një zjarr masiv shpërtheu në provincën veriperëndimore turke të Bolu duke e çuar numrin e viktimave në 76 e mbi 50 persona të tjerë kanë mbetur të plagosur.
Zjarri ra në hotein Grand Kartal në vendpushimin e skive Kartalkaya në Bolu, teksa mendohet se flakët kanë nisur nga seksioni i kuzhinës dhe më pas janë përhapur në të gjithë hotelin.
Kjo tragjedi është shënuar në preiudhën më të ngarkuar të vitit teksa në hotel numëroheshin 248 vizitorë në momentin që ndërtesa u përfshi nga flakët. Autoritetet kanë nisur hetimet në lidhje me zjarrin si dhe janë arrestuar 9 persona, mes tyre dhe pronari i hotelit, me qëllim zbardhjen e plotë të rrethanave dhe vëninen përpara përgjegjësisë të përgjegjësve.
Zjarri ka rënë 3:27 të mëngjesit me orën lokale, ndërsa bëhet me dije se 45 nga 76 personat e vdekur janë identifikuar. Flakët kanë shkaktuar kaos në koridoret e hotelit ku njerëzit filluan të përlesheshin me nëjri-tjerin për të dalë sa më parë nga ndërtesa. Disa prej të vdekurve kanë humbur jetën pasi janë hedhur nga dritaret e dhomave për t’i shpëtuar djegies.
