Gjatë qëndrimit në Ferma VIP, marrëdhënia mes Adionit dhe Olës u kundërshtua hapur nga familja e kësaj të fundit.
Një nga momentet më të komentuara ishte hyrja në fermë e vëllait të Olës, Fabjonit, i cili i kërkoi motrës së tij të largohej nga reality show dhe mbajti një qëndrim të qartë kundër lidhjes së saj me Adionin.
Por duket se situata ka ndryshuar pas përfundimit të spektaklit. Ola ka ndarë së fundmi një video në rrjetet sociale, ku shfaqen Fabjoni dhe Adioni duke luajtur PlayStation së bashku, duke lënë të kuptohet se marrëdhënia mes tyre është përmirësuar.
Pamjet janë komentuar gjerësisht nga ndjekësit, të cilët e kanë parë këtë si një shenjë pajtimi mes Adionit dhe familjes së Olës.
