Një aksident rrugor me tre automjete të përfshira është regjistruar në aksin Korçë–Pogradec, në afërsi të fshatit Gështenjas.
Sipas informacioneve paraprake, aksidenti ka ndodhur në bypass-in Qafë Pllocë–Gështenjas, ku dyshohet se njëri prej drejtuesve nuk ka respektuar sinjalistikën rrugore, duke shkaktuar përplasjen zinxhir të mjeteve.
Si pasojë e aksidentit, dy persona kanë mbetur të plagosur dhe janë transportuar me urgjencë drejt spitalit bashkiak të Pogradecit, ku po marrin ndihmën mjekësore.
Burime pranë spitalit bëjnë me dije se të plagosurit ndodhen jashtë rrezikut për jetën.
Ndërkohë, policia rrugore ka mbërritur në vendngjarje dhe po punon për zbardhjen e plotë të shkaqeve dhe rrethanave të aksidentit.
