Sylvinho nuk është më trajner i Kombëtares shqiptare. Lajmi është bërë i ditur nga Federata Shqiptare e Futbollit, e cila përmes një komunikimi zyrtar njoftoi përfundimin e bashkëpunimit me teknikun brazilian.
Në njoftim bëhet me dije gjithashtu se në orën 10:00 do të prezantohet trajneri i ri i kuqezinjve, gjatë një konference për mediat në “Shtëpinë e Futbollit”.
Sylvinho mori drejtimin e Kombëtares shqiptare të futbollit në vitin 2023 dhe arriti të shkruajë historinë që në sezonin e parë, duke siguruar kualifikimin në UEFA Euro 2024 si kryesuese e grupit.
Po ashtu, nën drejtimin e tij, Shqipëria e mbylli në vendin e dytë grupin kualifikues për Botërorin 2026, pas Anglisë dhe para Serbisë, duke siguruar një tjetër arritje historike me kualifikimin në play-off, ku më pas u eliminua nga Polonia në gjysmëfinale.
