Historia e Manuel Neuer te Bayern Munich nuk ka përfunduar ende. Portieri legjendar dhe kapiteni i skuadrës bavareze ka rinovuar kontratën deri në verën e vitit 2027.
Ky vendim tregon se Neuer synon të vazhdojë të mbrojë portën e Bayern të paktën deri në moshën 41-vjeçare. Pavarësisht viteve mbi supe, ai vazhdon të ruajë statusin e portierit të parë dhe mbetet një figurë shumë e rëndësishme si në fushë, ashtu edhe në dhomën e zhveshjes.
Bayern ka konfirmuar gjithashtu edhe rinovimin e Sven Ulreich deri në vitin 2027. Portieri rezervë ka treguar vazhdimisht profesionalizëm dhe gatishmëri për të ndihmuar skuadrën sa herë që Neuer nuk ka qenë në dispozicion.
Me rinovimin e të dy portierëve, Bayern siguron stabilitet në repartin e portës për sezonet e ardhshme. Dyshja Neuer-Ulreich mbetet një garanci për klubin bavarez, duke i dhënë stafit teknik më shumë qetësi për një nga pozicionet më të rëndësishme në skuadër.
