Gjykata e Tiranës ka dhënë vendimin për sherrin në oborrin mbretëror në Tiranë mes Princ Leka Zogut dhe Gjergji Zaharisë. Mësohet se Gjykata, ka shpallur fajtor princ Lekën dhe Gjergji Zaharinë, ndërkohë që ka vendosur që Elia Zaharia të shpallet e pafajshme.
Gjyqtarja dënoi me 10 muaj Gjergj Zaharinë, babanë e Elias, ku me gjykim të shkurtuar dënimi zbret në 6 muaj e 20 ditë. Gjykata vendosi ta pezullojë dënimin në 1 vit e 40 ditë me kusht. Ndërsa princin Leka, Gjykata e dënoi me 1 vit burg, por për shkak të gjykimit të shkurtuar dënimi zbriti në 8 muaj dhe u vendos pezullim në 16 muaj shërbim prove.
Aktorja Elia Zaharia është divorcuar zyrtarisht nga Princ Leka më 25 prill. Elia Zaharia dhe Princ Leka janë ndarë për shkak të konflikteve të vazhdueshme, mungesës së komunikimit dhe ndërprerjes së bashkëjetesës, fakte të pranuara nga aktorja si edhe 42-vjeçari. Disa muaj më parë ish-çifti u përplasen fizikisht pas pretendimeve se Leka Zogu i kishte dhunuar babain aktores së njohur. Video e sherrit të tyre bëri xhiron e rrjetit. Çifti mbretëror të cilët jetojnë të ndarë prej kohësh kanë një vajzë nga martesa e tyre.
