Një situatë e pazakontë raportohet nga Brazili në lidhje me Matheus Cunha. Sulmuesi brazilian pritet të mos luajë në tri javët e fundit të Premier League, pas një marrëveshjeje mes Federatës Braziliane të Futbollit dhe Manchester United.
Sipas ESPN Brasil, arsyeja lidhet me Botërorin e ardhshëm. Te kombëtarja braziliane nuk duan të rrezikojnë një dëmtim të mundshëm të Cunha, pasi ai konsiderohet një nga lojtarët më të rëndësishëm në repartin ofensiv të skuadrës së Carlo Ancelotti.
Raportimet nga Brazili bëjnë të ditur se ekziston frika që sulmuesi 26-vjeçar mund të pësojë ndonjë problem fizik në fundin e sezonit, gjë që do të rrezikonte pjesëmarrjen e tij në Botëror.
Nga ana tjetër, drejtuesit e Manchester United kanë pranuar kërkesën dhe janë të gatshëm t’i japin lojtarit pushim deri në fund të kampionatit.
Këtë sezon, Cunha ka zhvilluar 33 ndeshje me Manchester United, duke shënuar 9 gola dhe duke dhënë 4 asiste.
