Presidenti amerikan Donald Trump bëri një koment të pazakontë gjatë një takimi me King Charles III, duke shkaktuar të qeshura të sikletshme nga monarku britanik.
Trump tregoi se nëna e tij, Mary MacLeod Trump, kishte pasur një “simpati” për Charles-in kur ai ishte i ri. Ai kujtoi se ajo e shikonte shpesh familjen mbretërore në televizion dhe thoshte se princi i ri ishte “i lezetshëm”.
“Sa herë që Mbretëresha ishte në ndonjë ceremoni, nëna ime rrinte e ngjitur pas televizorit dhe më thoshte: ‘Shiko Donald, sa bukur është kjo’. Ajo e donte shumë familjen mbretërore, por më kujtohet shumë qartë që thoshte: ‘Charles, shiko Charles-in e ri, është shumë i lezetshëm’. Nëna ime kishte simpati për Charles-in. A mund ta besoni? Pyes veten çfarë do të mendonte tani,” tha Trump.
Në përgjigje, Mbreti Charles qeshi lehtë dhe bëri një gjest me dorë, duke u dukur disi i sikletosur nga komenti.
Këto deklarata erdhën ndërsa Trump po fliste për marrëdhëniet e veçanta mes SHBA-së dhe Mbretërisë së Bashkuar, duke përmendur origjinën e nënës së tij nga Skocia dhe dashurinë e saj për Britaninë dhe familjen mbretërore.
Mary MacLeod lindi në vitin 1912 në Ishujt Hebride në Skoci dhe emigroi në SHBA në vitin 1930. Ajo u bë shtetase amerikane në vitin 1942 dhe më vonë u martua me Fred Trump, me të cilin pati pesë fëmijë. Ajo ndërroi jetë në gusht të vitit 2000, në moshën 88-vjeçare.
