Zyrtarisht tashmë është shpërndarë legjislatura e dhjetë e Kuvendit të Kosovës.
Pas konsumimit të afatit kushtetues për zgjedhjen e presidentit, në përputhshmëri me aktgjykimin e Gjykatës Kushtetuese, Albulena Haxhiu bëri të ditur se është shpërndarë Kuvendi.
“Kjo seancë shënon fundin e këtij procesi dhe fundin e kësaj legjislature. Sipas aktgjykimit të Gjykatës Kushtetuese Kuvendi konsiderohet i shpërndarë dhe zgjedhjet do të shpallen sipas afateve kushtetuese”, tha ajo.
Kuvendi ka dështuar ta zgjedhë presidentin, teksa kandidatet për presidente ishin Feride Rushiti dhe Hatixhe Hoxha.
Brenda 45 ditësh Kosova do të shkojë në zgjedhje të reja të përgjithshme.
