Situata e Kylian Mbappé te Real Madridi është kthyer në një nga temat kryesore pas lajmeve për dëmtimin e tij në La Liga. Sulmuesi francez ka pësuar një mbingarkesë muskulore në pjesën e pasme të kofshës së majtë.
Edhe pse në pamje të parë dëmtimi nuk duket kritik, Mbappé pritet t’i nënshtrohet kontrolleve të plota mjekësore për të kuptuar shkallën reale të problemit. Te Reali nuk duan të rrezikojnë, sidomos me Kupën e Botës që po afrohet.
Skenari më shqetësues është që dëmtimi të rezultojë më serioz nga sa mendohej fillimisht, çka mund të kërkonte një periudhë më të gjatë rikuperimi. Për momentin, stafi mjekësor i klubit nuk ka dhënë ende një parashikim të qartë.
Pjesëmarrja e Mbappé në Botërorin 2026 nuk është e sigurt, ndërsa Franca dhe Real Madridi presin me ankth rezultatet e ekzaminimeve të mëtejshme.
