Lajm i keq për Barcelonën. Ekzaminimet mjekësore të kryera kanë konfirmuar se Lamine Yamal ka pësuar një çarje në hamstringun e majtë, dëmtim që do ta mbajë jashtë fushave për rreth katër deri në pesë javë. Kjo do të thotë se talenti spanjoll do të humbasë pjesën e mbetur të sezonit me skuadrën katalanase.
Megjithatë, pavarësisht këtij problemi, pjesëmarrja e tij në Botëror nuk duket të jetë në rrezik. Rikuperimi i parashikuar i jep kohë të mjaftueshme lojtarit për të qenë gati për turneun me Spanjën, ndërsa te Barcelona ky mungesë përbën një goditje të fortë në momentin më vendimtar të sezonit.
Hansi Flick tani do të detyrohet të gjejë zgjidhje për të zëvendësuar një nga lojtarët më vendimtarë të ekipit në gjashtë ndeshjet e mbetura, ku është në lojë titulli i La Ligës. Brenda dhomave të zhveshjes, mungesa e Lamine është pritur me shqetësim, pasi loja sulmuese e Barcelonës lidhet ngushtë me talentin dhe shpërthimet e tij.
Stafi mjekësor do të tregojë kujdes maksimal me rikuperimin e 17-vjeçarit, pasi dëmtimet në hamstring janë delikate dhe mund të sjellin rikthime të parakohshme me pasoja. Vetë Lamine e ka pritur me keqardhje këtë lajm, por mbetet i bindur se do ta kalojë këtë moment dhe se shokët e skuadrës do ta çojnë Barcelonën drejt titullit.
