Achraf Hakimi reagoi pas humbjes surprizë të PSG ndaj Olympique Lyon, duke kritikuar festimin e Endrick dhe duke thënë se braziliani duhet të fokusohet vetëm te loja. Mbrojtësi i PSG u shpreh se disa veprime që nuk lidhen me futbollin mund të irritojnë kundërshtarët, sidomos në një moment kur skuadra e tij ishte në disavantazh.
Në deklaratën e tij, Achraf tha se i kërkoi Endrick të qetësohej dhe të mos bënte gjeste të drejtuara ndaj tifozëve vendas. Ai theksoi se e vlerëson cilësinë e sulmuesit brazilian, por shtoi se sjellje të tilla gjatë ndeshjes nuk i pëlqejnë aspak.
Endrick ishte një nga protagonistët kryesorë të mbrëmjes në “Parc des Princes”, pasi shënoi golin e parë dhe dha asist për golin e dytë të Lyon. Paraqitja e tij erdhi menjëherë pasi trajneri Paulo Fonseca e kishte lënë në stol javën e kaluar, një vendim që duket se prodhoi reagimin e duhur nga talenti brazilian.
Që nga transferimi i tij në Francë në janar, Endrick ka marrë pjesë direkt në 14 gola me fanellën e Lyon, me 7 gola dhe 7 asistime. Tani objektivi i tij kryesor mbetet të ndihmojë klubin të sigurojë një vend në Champions League, përpara rikthimit te Real Madrid në verë.
