Real Madrid ka nisur të projektojë lëvizjet për verën e vitit 2026, ndërsa një nga sulmuesit e skuadrës duket se nuk bën më pjesë në planet e klubit madrilen.
Sipas raportimeve të Mario Cortegana, sulmuesi spanjoll Gonzalo Garcia pritet të largohet nga Real Madrid gjatë merkatos së verës. Futbollisti nuk konsiderohet më pjesë e projektit të klubit dhe për këtë arsye do të kërkojë një skuadër të re për të vijuar karrierën.
Në të njëjtën kohë, te “Los Blancos” ka lajme pozitive sa i përket gjendjes së Kylian Mbappe. Sulmuesi francez është rikthyer në stërvitje me grupin dhe po përgatitet për ndeshjen e radhës. Edhe pse është parë me kokën e fashuar, ai pritet të jetë gati për sfidën.
Real Madrid do të përballet me Bayern Munich në ndeshjen e kthimit të UEFA Champions League të mërkurën, më 15 prill, me fillim nga ora 21:00. Në takimin e parë, skuadra gjermane fitoi me rezultatin 2-1.
