Në Fier është identifikuar 47-vjeçari Ilir Zarka si personi që humbi jetën gjatë tentativës për të hyrë në një banesë në lagjen “8 Shkurti”.
Sipas dëshmisë së vëllait të pronarit të shtëpisë, Nikollaq Lule, i gjithë rasti është konstatuar nga fqinji që kujdeset për banesën, i cili kishte shkuar në mëngjes për të ushqyer qenin dhe ka gjetur trupin e pajetë në dritare.
Policia ka reaguar në lidhje me vdekjen e Ilir Zarkës, gjatë tentativës për grabitje.
Njoftimi i policisë:
Në lagjen “8 Shkurti”, Fier, është gjetur pa shenja jete, në dritaren e një banese, shtetasi I. Z., 47 vjeç.
Nga këqyrja paraprake e trupit të viktimës nuk janë konstatuar shenja dhune dhe dyshohet se ai ka ndërruar jetë nga asfiksia, gjatë tentativës për t’u futur në banesë.
Grupi hetimor ndodhet në vendngjarje dhe po punon për sqarimin e plotë të rrethanave të rastit.
