Lautaro Martinez është ndalur sërish nga një problem fizik. Sulmuesi argjentinas ka pësuar një tërheqje në pulpën e majtë, por këtë herë nuk bëhet fjalë për një rikthim të dëmtimit të mëparshëm, pasi shqetësimi ka prekur një zonë tjetër, muskulin soleus.
Gjithsesi, situata ka sjellë shqetësim te Inter. Kapiteni zikaltër ishte rikthyer në formë të shkëlqyer, duke shënuar dy gola ndaj Romës pas kthimit në fushë, 46 ditë pas dëmtimit të pësuar ndaj Bodo. Megjithatë, ai nuk do të jetë i gatshëm për ndeshjen ndaj Como, pasi nuk dëshiron të marrë asnjë rrezik.
Shpresa e Chivu është që Lautaro të rikthehet javën e ardhshme, në sfidën e së premtes më 17 kundër Cagliari në “San Siro”. Ekzaminimet e kryera në Humanitas të Rozzano kanë përjashtuar dëmtime serioze, çka e bën situatën më pak alarmante.
Në ndeshjen e së dielës në “Sinigaglia”, në sulmin e Inter do të luajë Pio Esposito përkrah Marcus Thuram.
